سفرِ حج سے پہلے پاکستان میں تیاری

طبی معائنہ

حج درخواست دینے سے قبل اپنا طبی معائنہ کسی مستند میڈیکل آفیسر سے کروالیں اور اگر کسی پیچیدہ بیماری کی وجہ سے ڈاکٹر آپ کو سفرِ حج کے قابل قرار نہیں دیتے تو آپ اپنی صحت یابی تک حج کا ارادہ ترک کر دیں۔ اگر آپ بیماری کی حالت میں حج کے لئے  جائیں گے تو اپنے لئے  اور اپنے ساتھیوں کے لئے  پریشانی کا باعث بنیں گے۔ اگرحج کےلیے انتخاب کے بعد بیماری کی وجہ سے حج پر جانے کا ارادہ نہ ہو تو وزارت کو فوری  اطلاع کر دیں، تاکہ آپ کی جگہ کسی متبادل کو بھیجا جا سکے۔ واضح رہے کہ جعلی طبی سرٹیفکیٹ پیش کرنے والے کو اس کے  ذاتی خرچے پر حج سے واپس بھیج دیا جائے گا اور ایسا سرٹیفکیٹ جاری کرنے والے ڈاکٹر کے خلاف تادیبی کاروائی عمل میں لائی جائے گی۔